O grupo de lectura de galego da Aula d’Idiomes, aproveitará a súa duración e desenvolvemento para dar a coñecer a Aula d’Idiomes e o galego a través da literatura, favorecer o acceso a todo o mundo da cidade dun xeito diferente á lingua galega, reforzar o tecido asociativo do barrio de Sants, facendo actividades inter-cooperativas e traballando con outras cooperativas do proxecto La Comunal como a librería La Ciutat Invisible, que facilitarán os exemplares. A dinamizadora do grupo encargarase ao inicio de indicar os lugares en que se poden conseguir os exemplares en soporte papel ou dixital.
Este grupo achegarase ao coñecemento do galego (nivel B1-B2) e de varias obras literarias que moitas veces fican na periferia, con bloques de reflexión crítica e/ou persoais a través da lectura. Para asistir ás sesións non é necesario o coñecemento do galego, soamente comprendelo, durante a realización das sesións as persoas informarán da lingua en que se senten máis cómodes expresándose. É dicir fomentarase o uso do galego nesta actividade pero non será indispensable, quen non coñeza esta lingua poderá expresarse noutra.
En resume, neste grupo queremos dar coñecer a lingua e apoiar as escritoras emerxentes que adoitan escribir perspectivas, de xénero entre outras, que nos poden levar a debates moi interesantes, poremos a vida no centro e crearemos espazos seguros e coidados antes e durante o seu desenvolvemento, onde nos sintamos seguras para falar das experiencias lectoras e/ou propias, se cabe.